O Concello anunciara hai catro meses a concesión dunha subvención da Xunta para as obras na urbanización mosense. En dous meses renovaránse as beirarrúas e pavimentos das vías de circulación así como acondicionarase unha parcela municipal, coa finalidade de dotala de pavimento, vexetación e mobiliario urbano.

As obras “de mellora” na urbanización de San Eleuterio encótranse xa adxudicadas, segundo informa o Concello. Os traballos serán realizados a través dunha axuda da Consellería de Medio Ambiente, Territorio e Vivenda da Xunta de Galicia destinadas á creación ou mellora de infraestruturas en concellos cunha poboación inferior a 20.000 habitantes.

Esta liña de subvencións ten por finalidade “humanizar as vilas galegas e frear o despoboamento, potenciando para elo as infraestruturas e servizos e mellorando o benestar e a calidade de vida da súa poboación”. A axuda concedida para a mellora da Urbanización de San Eleuterio equivale ao 70% do custo total da actuación, sendo o total do orzamento para a obra de 90.000 euros.

As obras da Mellora Interior da Urbanización de San Eleuterio, na parroquia de Tameiga, teñen por finalidade a renovar fundamentalmente  de beirarrúas e pavimentos das vías de circulación e o acondicionamento dunha parcela municipal, coa finalidade de dotala de pavimento, vexetación e mobiliario urbano acorde co uso que se pretende. e van a consistir na demolición dos pavimentos asfálticos en mal estado, de pavimentación de vías de circulación e sinalización horizontal e vertical e pavimentación do novo espazo de recreo e execución de muros de cachotería e plantación de especies arbóreas e instalación de mobiliario urbano.