O deportista do clube mosense foi convocado para a súa participación no Campionato do Mundo de natación adaptada
O nadador do Club Natación Mos vén de ser convocado pola Federación Española de Deportes para Ciegos -FEDC- para participar no CAMPIONATO DO MUNDO que terá lugar do 28 de xullo ao 8 de agosto en Manchester.
Juan representará á Selección Absoluta de España nas probas de 100 m Bolboreta, 100 m e 400 m libres. Para Ferrón este será o segundo Campionato do Mundo, acumulando experiencia a nivel internacional de cara a obter o billete olímpico para París 2024.