Tod@ aquel que queira participar no concurso de interpretación musical poderá formalizar a súa inscrición ata o 12 de setembro

O Concello do Porriño, a través da Concellería de Cultura dirixida por Bienvenido Estévez, amplía o prazo –ata o 12 de setembro no Rexistro Xeral do Concello, de luns a venres de 09.00 h a 14.00 h- para inscribirse no concurso musical “Tes Talento?”, que se celebrará este mes de setembro e incluido na programación das Festas do Cristo 2022.

Haberá dúas modalidades, infantil e adultos, nas cales poden presentarse tanto en individual coma en grupos -ata un máximo de catro compoñentes-. Para todas as actuacións, o tempo de actuación non excederá dos 3 minutos.

Os premios para a categoría de adultos son 400 € máis a gravación dun tema ou vídeo promocional, para o  gañador, 250 € para o segundo e 150 € para o terceiro. Os tres finalistas infantís, faráselles entrega dun lote de produtos escolares e un trofeo.