A nova localización na rúa Leandro Diz do mercado transcorríu normalmente

O concelleiro responsable, Sergio Casal valorou “a boa acollida” que tivo a nova localización do mercado ambulante que hoxe abriu na rúa Leandro Diz e parte da rúa Xogo da Ola. O concelleiro destacou “a boa acollida do público en xeral e o acordo total cos vendedores ambulantes”.

Son 105 postos de venda autorizados que se reparten entre a rúa Leandro Diz e nun tramo de Xogo da Ola, concretamente onde está a “zona azul”.

Por outra banda, o aparcadoiro de terra seguirá en uso, o acceso ao mesmo está sinalizado con valas e cinta para garantir a entrada e saída de vehículos.

Sergio Casal indicou que “aínda será necesario que todos nos adaptemos” pero en xeral “estou moi contento co resultado desta estrea”, concluíu o concelleiro responsable de Mercados.

Se as obras de humanización levan o ritmo que deben seguir, a feira voltaría ao seu lugar habitual en 4 meses.