O equipo feminino do Cociñas LaSal Louriña Cycling Team partíu onte cara a Volta Ciclista a Portugal
![](https://porrinodigital.es/wp-content/uploads/2021/09/LaSalCocinasCyclingTeamLourina-femenino.jpg)
O concelleiro de Deportes do Porriño manifestou “agardamos nos vindeiros anos, a Xunta tamén aposte por Porriño para unha etapa da Volta Ciclista a España”
O equipo feminino porriñés “Cocinas LaSal Louriña Cycling Team”, que ten ao Concello do Porriño como principal patrocinador institucional, iniciou hoxe a súa participación na Volta Ciclista a Portugal, proba incluída no calendario internacional da “UCI World Tour”. Uxía Fernández, María Toba, María Coya, Cristina Torres e Marta Barbeito forman o conxunto porriñés que participará na volta portuguesa ata o domingo día 5.
A invitación ao equipo porriñés “constitúe un motivo de ledicia e satisfacción para o Concello e un resultado máis da aposta pola promoción do deporte, nomeadamente do ciclismo, que desenvolveron os sucesivos gobernos municipais nos últimos anos” declarou o concelleiro de Deportes, David Alonso.
O edil engadiu que “a nosa liña é seguir con esa política de apoio e coido que vai sendo hora de que a Xunta de Galicia valore tamén apostar por unha etapa da Volta Ciclista a España no Porriño, que o merecemos por promoción e inversión no deporte do ciclismo” manifestou Alonso Bargiela.