Esta mañá celebrouse na contorna do Multiusos un encontro encadrado no “programa de actividades” de La Vuelta no que participaron COGAMI, EVD Galicia, Doral Residencias, Aceesca e ALENTO.

Un total de 85 usuarios e usuarias de COGAMI, EVD Galicia, Doral Residencias, Aceesca e ALENTO Asociación de Dano Cerebral, participaron esta mañá, nos exteriores do Multiusos das Pozas no encontro ‘Mos móvese con La Vuelta 21’ organizado por DisCamino , EVD Petelos e o Concello de Mos.

De 11.00 a 13.00 horas da mañá realizáronse obradoiros ao aire libre de chapas e pulseiras, circuíto en bicis adaptadas a cargo de DisCamino; e houbo música e animación a cargo de Mikaela Sánchez, do grupo mosense M3, e clase de Zumba. Tamén asistiron representantes do goberno local.

Segundo informa o Concello, os obxectivos desta iniciativa, encadrada no programa de actividades municipais con motivo da meta da etapa 20 de La Vuelta 21 en Herville, son a promoción do deporte entre persoas pertencentes a colectivos con discapacidades diferentes e “vencellar” La Vuelta Ciclista con “accións como estas”.