Xa está aberto o prazo de inscrición ata o vindeiro 12 de abril

 

 

O Concello de Mos e EVD Galicia organizan conxuntamente o Campamento Infantil de Semana Santa 2019 que leva por título Artistas na Natureza.

Realizarase os días 15, 16, 17 e 22 de abril na Aldea Alfacuca e, en caso de choiva, trasladaríase á Ludoteca de Louredo. As idades dos participantes deberán estar comprendidas entre os 3 e os 12 anos. O prezo por un día de participación é de 8 € e polos 4 días de 30 €.

Os participantes contarán con obradoiros e actividades ao aire libre así como xogos tradicionais e iniciativas de artesanía e reciclaxe.

O horario será de 9.00 a 14.00 h, aínda que os proxenitores interesados poderán solicitar o Plan Madruga de 8.00 a 9.00 h, así como tamén o servizo de comedor de 14.30 a 15.30 h. O campamento tamén contará  con servizo de transporte.

O prazo de inscrición permanecerá aberto ata o vindeiro 12 de abril e para máis información poden dirixirse ao número de teléfono 986 33 94 04, ou por correo electrónico a omix@concellomos.es