A decisión de sacar a concurso todos os contratos de servizos e subministracións municipais tomada polo Concello de Mos para tentar corrixir a delicada situación financeira suporá un aforro do 40% en gasto corrente respecto dos anos anteriores. En casos como o subministro de material de vías e obras chégase a producir un aforro anual de 16.000 euros.

Recentemente, o Xulgado de 1ª instancia e instrución do Porriño ditaba o sobremento das acusacións da alcaldía de Mos contra veciños vinculados á Comunidade de Montes de Tameiga. Ante a teima da alcaldesa Nidia Arévalo de continuar coas accións xudiciais, os grupos do BNG, GañaMós e PSdeG acordaron convocar un Pleno extraordinario para solicitarlle a retirada do recurso, a petición de desculpas e a súa dimisión pola xestión deste asunto. Esta semana, os acordos foron rexeitados pola maioría do PP e maila concelleira non adscrita. 

Segundo informa o Concello, a alcaldesa arrinca o compromiso do presidente da Xunta para que ambas administracións vaian da man neste proceso. O primeiro paso será convocar un concurso de ideas que se prolongará durante 3 meses. Arévalo asume que este é “un momento complicado, económicamente falando, para pensar nun Concello novo, pero precisamente é a pandemia a que me obriga a elo, porque agora non hai condicións de traballo”.

A Comunidade de Montes de Tameiga demanda á xustiza que se acorden, como medidas cautelares, a suspensión das obras e, no suposto de estar concluídas, a prohibición do uso do construído. Para asegurarse da efectividade desta medida solicitase ademais o precinto da edificación en cuestión e o apercibimento aos querelados de incorrer en delito de desobediencia ou de quebrantamento de medida cautelar no caso de quebrantar o precinto. Tamén requiren ao Xulgado de Porriño que se oficie á APLU para que realice á maior brevidade orzamento de demolición das obras e que se requira aos querelados para que afiancen a cantidade orzamentada. Ademais requiren que para garantir a demolición se faga un expreso apercibimento de embargo de bens no suposto de os querelados non presten a fianza fixada.

O pasado domingo, 13 de decembro, celebrouse o XIX Trofeo de Baile Deportivo Concello de Narón que comprendía o Campionato Galego de Danza Coreográfica e Campionato Galego de Modalidade Estandard. Dentro do Club Baila-Mos, que adestra a mosense bailarina campioa internacional Patricia Martínez, inclúese o grupo As Meninas, formado por Sara Requejo, Ainara Rodríguez, Eva Calvar, Elena Gamallo e Noa Pintos.

Os socialistas de Mos lanzan críticas á alcaldesa pola súa política de concienciación social en materia de violencia de xénero. Consideran que as iniciativas do goberno local este 25N, como o reparto de globos lilas ou un contrato de publicidade 1.815 euros, apenas serviron para “sacarse fotografías”. Reclaman, á vez, políticas reais de concienciación.

O goberno dirixido por Nidia Arévalo estabelece unha liña telefónica para a concertación de reservas para visitas á cidade deportiva do Celta en Mos a través da administración mosense.

O deste ano tratarase dun programa máis enfocado ao virtual que nunca e haberá diversas actuacións on line a través das redes sociais do Concello (Facebook…) a cargo de grupos musicais mosenses que amenizarán o Nadal coas súas panxoliñas.

A Secretaría Xeral para o Deporte asumirá a dotación de equipamento deportivo para o Pavillón Óscar Pereiro e para os campos de fútbol municipais de Cototorrón e As Baloutas, e reformará dúas pistas deportivas exteriores.

A acometida realízase con cargo ao Plan Concellos e conta cun orzamento de preto de 250.000 euros. Augas de Galicia atópase tamén en procedemento de licitación da instalación de varios colectores en Pereiras que permitan completar o saneamento no núcleo parroquial.