A Policía local colaborará no inicio da vacinación a maiores de 80 anos no centro de saúde do Porriño

O vindeiro luns 22 se vacinará no Centro de Saúde do Porriño contra a Covid a persoas maiores de 80 anos dos concellos do Porriño, Mos e Salceda.

Onte comezou o proceso de vacinación do persoal do SAF: un total de 53 traballadoras.

O pasado mes de novembro, o Xulgado de 1ª instancia do Porriño desestimaba as acusacións da alcaldesa de Mos, Nidia Arévalo, contra veciños do municipio mobilizados en defensa dos recursos naturais hídricos afectados polo macroproxecto do Celta no concello. Unha vez máis, a xustiza confirma a inocencia dos veciños e veciñas sinalados polo Concello, que emite unha nota de prensa insistindo na existencia de “faturas falsas” e dunha “trama política” contra a alcaldesa.

O proxecto de mellora integral da zona de San Rafael, en Pereiras, incluiría segundo os plans do goberno municipal unha pista multideporte, cun Half Skate Park, unha nova pista deportiva, zona verde axardinada, substitución do alumeado público por iluminación LED e reposición do firme. O Concello procurará subvencións doutras administracións para poder levar o proxecto a cabo.

A alcaldesa de Mos, Nidia Arévalo, e o Embaixador de la Vuelta e gañador dun Tour de Francia mosense, Óscar Pereiro, achegáronse onte ata o Castro de Herville, na parroquia de Cela, lugar no que reamatará a penúltima etapa da edición deste ano de La Vuelta Ciclista a España.

O programa provincial de concienciación contra as violencias machistas adáptase ás actuais restricións da pandemia e ofrécese en directo por “streaming”.

A deputada Alexandra Fernández e o concelleiro Gustavo Barcia mantiveron un encontro coas traballadoras afectadas pola liquidación da empresa. Comprometéronse a exercer presión a todos os niveis institucionais para reclamar a continuidade da fábrica en Mos.

O municipio mosense acollerá a chegada da penúltima etapa e última etapa competitiva en liña da edición deste ano.

Os socialistas de Mos presentarán a debate unha moción sobre a reinserción laboral dos 60 traballadores da empresa Pili Carrera despedidos tralo peche das instalacións en Torroso. O PSdeG pedirá que o Concello apoie aos traballadores contra o abandono por parte da empresa e que retire a medalla ao mérito empresarial concedida á empresa.

As seis farmacias mosenses, a de Mos, Puxeiros, Rebullón, Peinador, Sanguiñeda e Pereiras, comezarán mañá a relizar o seu cribado para detectar a COVID-19. As persoas de entre 45 e 60 anos poderán achegarse a unha farmacia en horario de mañá, até as 10:30.