Ecoloxistas en Acción demanda ao Concello de Vigo que revise o funcionamento da estacións depuradas de augas residuais, en concreto as que os seus sumidoiros verten en Alcabre e Teis, para que non se repitan sistemáticamente as verteduras contaminantes denunciadas pola veciñanza. A organización ecoloxista alerta que estas verteduras de augas residuais provocan efectos moi negativos sobre o medio ambiente e a saúde humana, causando cambios substanciais nas características da auga e, polo tanto, na súa función ecolóxica e nos seus usos. Esta contaminación afecta directamente á parte máis superficial e máis próxima da costa, que é tamén a máis empregada para actividades humanas.
