Onte luns 4 de maio na rúa peatonal do municipio presentábase a candidatura de EU-Son Porriño

Foi un acto no que, pese ó mal tempo, acudiron moitos veciños do Porriño, mostrando o seu apoio a unha candidatura que desperta esperanzas dun cambio real do xeito de facer política no Concello.

No acto, presentado por Victoria Cardoso -nº 5 da lista-, interviron:

– Rubén Pérez, Secretario de Organización de Esquerda Unida e nº 1 da Marea de Vigo, o cal salientou a importancia de ter conquerido no Porriño unha candidatura de Converxencia con persoas procedentes de diferentes posicións políticas de esquerda: nacionalismo, esquerda rupturista, movementos sociais, sindicalismo ou ecoloxismo. sen esquercer a persoas independentes que dan este paso necesario de rexeneración democrática nun concello con moito retraso na súa democratización.

-Pedro Ocampo, Coordinador de Esquerda Unida de O Porriño e nº 2 na lista.O cal presentou a candidatura ao completo e suliñou o seu carácter plural e comprometido dos y das candidatas coas políticas necesarias de esquerda.

-Ricardo Canosa, nº 1 da lista, que incidiu nas liñas rectoras da política que defenderá esta candidatura: transparencia, democratización, participación, economía ó servizo das persoas e compromiso ético dos candidatos.