Ademáis de proclamarse Campións Galegos de Arco Composto, Luis logrou tamén bater o récord de España de sala en eliminatorias no Campionato Galego logrando o total de 150 puntos de 150

Onte á tarde celebrouse no salón de sesións do Concello de Mos a recepción aos arqueiros do Club Tiro con Arco de Mos ArchersTeam, Verónica Presa e Luis Argüelles -pais do tamén campión Xes Argüelles-, polos resultados obtidos o pasado mes de decembro no Campionato Galego de Tiro Con Arco en Sala.

O domingo 18 de decembro, disputouse o Campionato Galego de Tiro Con Arco en Sala, nas instalacións do CPR SEI San Narciso, en Marín.

Neste campionato, o matrimonio formado por Verónica Presa e Luís Argüelles, proclamáronse campións galegos na modalidade de arco composto.

Doutra banda, Luis conseguiu o récord de España de sala en eliminatorias, con 150 puntos de 150.