O seguinte paso é a reparación do tellado dunha das torres, nas fiestras e continuarán no interior

Os traballadores da empresa “Naturgalia” retirarán o valado exterior e a maquinaria que rodea o edificio do Concello, unha vez rematada la limpeza das fachadas.

Durante os últimos días, realizouse unha hidrolimpeza e aplicouse unha imprimación para evitar novas humidades, co fin de preservar o edificio, deseñado polo arquitecto Antonio Palacios.

Non obstante, continúan os traballos de reparación do tellado dunha das torres, nas fiestras e continuarán no interior, na zona que ocupa o departamento de Servizos Sociais, para solucionar graves problemas de humidade e filtracións que se producen coas choivas.

Cun importe de 31.000 €, esta actuación promovida pola concelleira de Vías e Obras, Lourdes Moure, está financiada con remanentes do Plan Concellos, da Deputación de Pontevedra.