Pregúntanse por qué non se poden facer as xestións “usando máscara e con distancia de seguridade” e “obrigándonos a pedir unha cita a unha semana vista”

Dende EU Son do Porriño – Esquerda Unida reclaman que a atención ao público volte á normalidade no Concello porriñés.

O grupo de oposición explica que “@s veciños temos dereito a facer as xestións e as consultas necesarias con axilidade, usando máscara e con distancia de seguridade. O resto non ten máis lóxica que o uso da pandemia como escusa”.

Dende EU Son indican que “non se nos pode restrinxir o acceso á casa de tod@s obrigándonos a pedir unha cita a unha semana vista. Non se pode andar a marear á xente e menos aínda complicarlle a vida a persoas maiores. Xa sabemos que a esta alcaldesa lle molesta a xente pero é o seu problema, xa sabe onde ten a porta, que marche xa polo ben e o futuro do Porriño”.