A actuación policial á que se remite o CAL tivo lugar na madrugada da xornada de reflexión electoral

O Comité Antifascista da Louriña –CAL-manifesta oseu rechazo ante un presunto novo caso de violencia policial no Concello do Porriño que ocurríu fai menos dun mes, na madrugada do pasado sábado 27 de maio. 

Dende o comité definen a actuación dos axentes do Porriño como “un abuso de autoridade e forza desmesurada, sen xustificación, contra un veciño. Unha actuación da Policía Local na que humillaron, golpearon e tiraron ao chan a unha persoa, mofándose dela en dependencias policiais. Un novo atropelo usando a violencia de maneira arbitraria”.

O CAL manifesta non cansar “de denunciar todos e cada un dos excesos que certos elementos do corpo, protagonizan no uso das suas funcións, extralimitándose na utilización do poder que ostentan. Este tipo de actuacións son inxustificables, aínda que a actitude e os motivos da detención desta persoa, poidesen ser socialmente reprobables”.

Engaden “estes chulos con placa, síntense seguros e protexidos polo poder político, que non é capaz de poñer orde nas súas fileiras, tomando medidas disciplinarias contra suxeitos que descaradamente vulneran os dereitos civís Non só abusan e excédense no uso da forza, se non que tamén se permiten con total descaro tratar con desprezo a veciños que non se pregan as suas sádicas prácticas”.

O Comité Antifascista da Louriña puntualiza “cando as ‘forzas do orde’ non só maltratan físicamente, se non que tamén menosprezan e humillan, estamos perante unhas prácticas despóticas que hai que denunciar non só fronte ao poder político local, ou nos xulgados, tamén nas rúas”.

Rematan dende o CAL facendo un chamamento “damos todo o noso apoio a calquer veciñ@ que sofra este tipo de accións por parte destes suxeitos reaccionarios que, amparados na placa, cometen este tipo de abusos. Matóns con placa fora do Porriño!”.