Este sábado e domingo poderán degustarse os petiscos chegados na foodtruck da Consellería do Mar da Xunta de Galicia

Esta fin de semana, os días 22 e 23 de abril, a foodtruck da Consellería do Mar da Xunta de Galicia “Galicia Sabe aMar” estará en Mos.

Trátase dunha iniciativa incluida na campaña da Consellería do Mar titulada “Galicia Sabe aMar”.

Esta actividade, promovida pola Xunta, percorre 260 municipios de toda España vinculados co Camiño de Santiago, e un deles é o de Mos. O percorrido por estes preto de 300 municipios españois faise con 4 foodtrucks que serven petiscos e tapas ás persoas que decidan achegarse ata eles.

Esta acción busca ensalzar e promocionar a excelencia do produto, as materias primas e a gastronomía de Galicia, ao tempo que rende homenaxe ao labor que realizan os profesionais das distintas cadeas de mar-industria.

As persoas interesadas en degustar estes productos en Mos poden achegarse este sábado día 22, en horario de 12.00 a 15.00 h e de 16.30 a 19.30 h, ao aparcamento municipal das Angustias (Sanguiñeda), onde estará unha das foodtruck. O domingo, día 23, estará no Centro Dotacional de Torroso de 12.00 a 15.00 h; e pola tarde, no Centro Social e Deportivo de Guizán en horario de 16.30 a 19.30 h.