Con “Pequenas pingas” a compañía celebra anos co público este sábado 4 de marzo, ás 19.00 h no Círculo Recreativo Cultural

Dende aquel 27 de setembro de 1995, data na que realizaron a súa primeira posta en escena coa obra “Os vellos non deben namorarse… das mozas novas” -original de Afonso R. Castelao-, os componentes de Fontevella Teatro foron crecendo, algúns tristemente quedaron no camino, pero o que sempre segue adiante son as gañas de mostrarle ao público as súas persoaxes.

Entre as representacións teatrais de Fontevella Teatro atopamos obras como “As árbores morren de pé”, de Alejandro Casona; “Os vellos non deben namorarse… das mozas novas”, de Castelao; “Pecados conxugais”, de Juan J. Alonso Millán; “A verdade… limpa”, de Chelo Pampillón; “Pra que viría eu ao médico… nin sempre é anécdota”, de Pepe Ramilo; “Prohibido casar”,de Doro Piñeiro; “Vaya lío de velorio”, de Ana Santos.

Este sábado a compañía Fontevella Teatro celebra o seu 28 aniversario e, como non podía ser de outro xeito, faino sobre o escenario do Círculo Recreativo Cultural con “Pequenas pingas” a partir das 19.00 h, con entrada libre e de balde ata completar aforo.

Con esta posta en escena de “Pequenas pingas” poderemos disfrutar de catro obras de micro teatro nas que se poñen en valor as dotes artísticas de esta compañía  tan especial; estas son “O abrigo de martas”, “Para que viría eu ao médico”, “Balneario A Condesiña” e “Por namorarnos de vellos”.