Este evento solidario será o vindeiro venres 10 de marzo e está organizada polo alumnado do ciclo superior de Animación Sociocultural e Turística do IES Primeiro de Marzo

O escenario do Auditorio V Centenario de Baiona, acollerá unha gala solidaria organizada polo alumnado do ciclo superior de Animación Sociocultural e Turística do IES Primeiro de Marzo, co patrocinio de trece entidades e establecementos de Baiona.

Esta gala contará con diferentes actuacións, levadas a cabo por artistas da contorna do Valmiñor e alumnado do instituto IES Primeiro de Marzo, que encherán o escenario de talento artístico.

Será o venres 10 de Marzo ás 19:00 h, e todo o que se recaude en dita gala solidaria será destinado á Asociación de Axuda a Nen@s Oncolóxicos de Galicia -ASANOG-.

As entradas poden mercarse nos establecementos colaboradores. Para todas as persoas que queiran participar, pero non poidan acudir o día da gala, teñen a disposición unha ‘’fila 0’’ na que poder axudar a recaudar os cartos para a asociación.