Acompañado do seu burro “Espíritu Santo y Amén”, Enrique Balsera adica os seus días á peregrinación como promesa ao voltar a camiñar tras quedar parapléxico nun grave accidente de tráfico

Enrique Balsera, considerado o “peregrino máis famoso do mundo” é un dos personaxes máis emblemáticos do Camiño de Santiago, chegou onte á Fortaleza de Valença acompañado do seu burro “Espíritu Santo y Amén”.

En Valença, o Presidente da Câmara P, José Manuel Carpinteira, quiso saudalo dándolle a benvida á Fortaleza e desexándolle unha boa viaxe de peregrinación ata o Santuario de Fátima.

Esta nova etapa na vida do peregrino Enrique Balsera sitúao en Valença, camiño de Fátima, partindo de Santiago de Compostela e tendo como destino final Roma, Italia. Enrique Balsera declarouse “asombrado pola magnificencia da Fortaleza de Valença, unha auténtica xoia”.

Con 57 anos e natural de Córdoba, Enrique leva 6 anos adicado a percorrer diversos camiños de peregrinación, concretamente os camiños de Santiago, os camiños de Fátima e os camiños que levan aos santuarios de Caravaca de la Cruz e Santo Toribio de Liébana.

A vida de Enrique Balsera estivo sempre adicada ao automovilismo, como piloto de Lamborghini, pero un grave accidente de tráfico deixouno parapléxico, pero coa fortaleza de voltar camiñar, prometeuse que se o voltaba facer, sería peregrino de por vida. E así nace a historia e lenda deste peregrino que, algún, clasifican como o “peregrino máis famoso do mundo”.

O xeito libre e aberto de vestir e comunicarse, a compaña do seu burro “Espíritu Santo y Amén” e o seu bastón do peregrino cheo de recordos, fan deste personaxe un espírito emblemático que engaiola a todos polos camiños polos que pasa.