En colaboración con SOGAMA entregaranse novos composteiros aos vecinos que os soliciten xunto con manuais didácticos de compostaxe

O Concello de Salvaterra de Miño  volve a por a disposición dos seus veciñ@s unha nova remesa de composteiros, dentro do programa de compostaxe doméstico para vivendas unifamiliares, grazas a adhesión ao programa de compostaxe de SOGAMA que busca lograr unha xestión máis sostible do lixo.

Deste xeito, o Concello manterá a súa extensión das prácticas de autocompostaxe a novas vivendas unifamiliares para propiciar a reciclaxe da materia orgánica en orixe, un proceso con importantes beneficios ambientais e sociais.

Dado que os residuos orgánicos representan aproximadamente o 42% da composición media dunha bolsa tipo, se estos se reciclan en orixe e se evita o seu depósito en contenedores verdes convencionais, o Concello entregará menos toneladas de lixo a SOGAMA, reducindo deste xeito os costes.

@s veciñ@s que se incorporen a esta nova fase, recibirán igualmente manuais didácticos nos que se explica de maneira detallada a técnica a seguir para obter un compost de boa calidade.