Os veciñ@s solicitantes asisten en dúas quendas á charla divulgativa da man dun mestre composteiro e técnico superior de residuos do Concello

A Concellería de Medio Ambiente citou hoxe a unha parte dos solicitantes de composteiros para vivendas unifamiliares, que está a entregar o Concello do Porriño.

@s veciñ@s que se adxudican este lote de 50 composteiros acudiron ás instalacións do Multiusos de Torneiros, onde recibiron unha charla divulgativa para sacarlle o mellor rendemento as súas compostaxes a cargo de Emilio Rodríguez Cochón, mestre composteiro e técnico superior de residuos do Concello.

Mañá martes haberá unha segunda quenda, no mesmo lugar, para completar a información e entrega deste último lote de composteiros, correspondentes ao ano 2021.

“SOGAMA” cedeu eses 50 composteiros ao Concello do Porriño que se reparten entre os solicitantes tras o remate do plazo hai só uns días.