C21 solicita a reposición dun espello na Rúa Porteliña en Pazos de Reis

O Concelleiro de Converxencia 21, José Palacín, dentro da campaña #tuiseguro, ven de solicitar por rexistro de entrada a reposición dun espello no primeiro cruce da Rúa Porteliña, en Pazos de Reis, cerca do cruceiro.

Este espello foi obxecto de roubo este fin de semana e a veciñanza necesita dese elemento pola escasa visibilidade da saída nesa vía, con precedentes de accidentes.

Palacín reclama civismo ante este tipo de actos e solicita ao Goberno Local que se esforce na mellora da situación da Policía Local en aras da vixilancia nas parroquias.