Desde a semana pasada xa se poide escoitar un dos novos singles do novo traballo de Depedro, “Máquina de piedad”, cociñado a lume lento e con moito agarimo, como todo o que fai o artista madrileño. O cantante francés de orixe armenio Ian Kay, que formaba parte da escena europea de garage punk, tamén se une á quinta edición de 17° Ribeira Sacra Festival. Esta cita única, que marida día e noite música, viño, gastronomía e patrimonio nun marco de excepción, desvelará moi pronto outras novidades do seu programa, que reunirá concertos na natureza, catas de viños, directos en catamaráns e adegas, roteiros e cociña de autor.

 

Depedro e Ian Kay súmanse ao cartel de 17° Ribeira Sacra Festival, que celebrará a súa quinta edición do 16 ao 18 de xullo de 2021. “Con paso firme y a fuego lento” continúa a carreira de Jairo Zavala que, tras celebrar os seus 10 anos como , combina en 2021 a súa xira con banda eléctrica e o repertorio do seu disco “Todo va a salir bien” coa xira “Érase una vez Depedro”, un espectáculo familiar baseado no seu disco “Érase una vez”. Pronto teremos o novo longa duración, pero mentres haberá que gozar desta gran “Máquina de piedad”, unha cumbia actualizada que nos deixa con ganas de máis.

Pola súa banda, o talentoso compositor multi-instrumentista francés de orixe armenio, Ian Kay, chega a 17° Ribeira Sacra Festival co seu álbum debut “Walk That Road Again”, un son que cabalga entre referencias como The Kinks, The Easybeats ou The Hollies e outras bandas máis actuais como os Allah-As ou os Mystic Braves.

Así, 17° Ribeira Sacra Festival, que se consolida como parte de Momentos Alhambra ao contar por 4º ano consecutivo co patrocinio da cervexeira, asolagarase coa música de Depedro e Ian Kay, que se unen aos xa confirmados Teenage Fanclub, The Excitements, Bronquio, Ale, Budiño & Novoa, Auto Sacramental e dani. A vindeira semana darase a coñecer a proposta gastronómica para esta quinta edición. Galardoado en 2020 co “Best Small Festival” do noso país nos Iberian Festival Awards, 17º Ribeira Sacra Festival é xa un dos eventos imprescindibles do verán no norte peninsular.

Coas súas diferentes edicións, 17º Ribeira Sacra Festival quixo reinterpretar a personalidade do territorio a través de figuras nacionais e internacionais da música, a cultura, o viño, a gastronomía, o patrimonio… E en 2021, grazas a Cervezas Alhambra, esta quinta edición do festival contará cunha importante oferta gastronómica con experiencias e maridaxes culinarios da man de chefs Alhambra de prestixio e con presenza en diferentes escenarios e localizacións. Para a cervexeira, dentro da gastronomía, un dos principais ingredientes é o tempo e a Ribeira Sacra constitúe o mellor das contornas para gozala.

Nun territorio como a Ribeira Sacra, candidata a Patrimonio da Humanidade, o festival continúa abrindo novos camiños, novas maneiras de facer e de mirar, consolidándose como un reclamo de turismo experiencial, contemporáneo e singular. Así, fiel á súa filosofía, manterá nesta quinta edición o seu carácter, con eventos en espazos singulares como adegas, miradoiros, un catamarán…, aos que se sumarán novas localizacións para ofertar ao público novas experiencias e novas formas de interactuar con este paraxes natural.

DEPEDRO

O novo disco de Depedro está cada vez máis preto, e desde hai unha semana xa se pode escoitar o primeiro single, “Máquina de piedad”, esta cumbia actualizada está cociñada a lume lento e con moito agarimo, como todo o que fai o artista madrileño. Depedro renova o seu son engadindo unha batería, teclados e guitarras máis modernizadas. Iso si, por moito que se actualice, a esencia de Jairo recoñécese en cada nota, en cada palabra. Cante o que cante, o corpo tende a moverse, a seguir o ritmo e empezar a bailar coa súa alegría e boas vibras, sempre contaxiosas.

O madrileño Jairo Zavala coñecido polo seu alias Depedro combina en 2021 a súa xira con banda eléctrica e o repertorio do seu disco “Todo va a salir bien” coa xira “Érase una vez Depedro”, un espectáculo familiar baseado no seu disco “Érase una vez”. No outono de 2021 sairá á luz un novo traballo cuxos adiantos poderemos gozar nuns meses no festival.

IAN KAY

Este jet- setter andróxino de Francia acaba de completar o seu primeiro álbum en solitario, engadindo un par de culleres de azucre moreno á súa fórmula orixinal e revolvendo a mestura o suficiente como para que sexa simplemente r´n´r. Producido e gravado por Jeremy Yeremian & Nic Jodoin, Ian Kay gravou “Walk That Road Again” nos Angeles, California. Valentine Recording Studios foi o patio de recreo de elección, unha verdadeira cápsula do tempo onde algunhas bandas de finais dos anos 60 fixeron maxia ( Beach Boys, Boyce & Hart, Kenny Rogers …).

Unha combinación perfecta para Ian que gravou a maioría dos instrumentos el mesmo. Din que soa próximo a The Kinks, outros a Bob Dylan, pero os coñecedores recoñecerán as influencias de The Byrds ou The Easybeats. Pintar temas das súas historias de amor persoais, a través de angustias, espertares groseiros e outras relacións disfuncionais, as historias punkish e ás veces provocativas de Ian soarán ao oído de todos.