Mañá martes retomarase o pleno de marzo no mesmo punto onde fora interrumpido o pasado mércores 31

 

A partir das 17.00 h de mañá, martes 6, reanúdase o Pleno Ordinario iniciado o pasado mércores 31 de marzo.

Unha sesión que será retomada no punto número 10 da orde do día, exactamente no punto onde a sesión do mércores foi interrompida ao ordear a alcaldesa un receso, debido ao nivel de tensión que alcanzou, tal como se pode verificar na gravación do Pleno, que xa está cargado e dispoñible na Mediateca Municipal na páxina web do Concello.

Polo tanto, o pleno retomarase co voto da proposta realizada pola mesa de contratación, para adxudicar o novo contrato da piscina municipal. No debate previo foron anunciados 15 votos a favor (PSOE, BNG, PP e UDDL) e 2 votos contra (EU SON).

A esta sesión plenaria convócanse todos os concelleir@s da Corporación agás a voceira de EU SON, Patricia Sío, quen “foi expulsada do Pleno por verter insultos contra a alcaldesa e negarse, a pesar dos avisos, a retiralos” sinalou a rexidora porriñesa.

Eva García expresou o seu desexo de que “estas situacións non se repitan”.