As malas prácticas no Porriño non son exclusivas dunha parte do Goberno.

O grupo Municipal do Porriño Eu-Son en Comun envia a Redación do Porriño Dixital a nota de prensa seguinte. 

Por segunda vez a concelleira de cultura do Porriño Camila Moreira contrata o seu cuñado. Así consta por decreto do 22/02/21 co obxecto de “Contratar a actividade teatro confinado ………, cun orzamento de 5.500€ máis IVE” é legal pero non é ético. Non o dicimos só nós, senón o mesmo tenente de alcalde Pedro Pereira, voceiro do grupo municipal do  BNG do que forma parte a concelleira.

Queda claro na entrevista publicada na Nova Peneira de novembro onde se pregunta, entre outros asuntos, por unha compra de material á mesma empresa do seu parente, finalmente frustouse porque o escándalo era máximo:

Pero o expediente era legal?

Si. Pero insisto en que consideramos que non era compatible co noso código ético. Nós entendemos que ese tipo de relación contractuais con familiares directos non deben de levarse adiante. O expediente xa se arquivou e esa operación non se vai a executar” 

Xa non tiñamos bastante coa podremia na xestión económica e a contratación de Eva García de la Torre que agora se unen tamén as cacicadas de Camila Moreira. Se queren contar con nós, co noso apoio e votos, tanto o PSOE como o BNG teñen que poñer a demisión destas dúas persoas enriba da mesa. Ata aquí chegamos, hai que ser honestas. Fóra malas prácticas, amiguismo ou corrupción.