A alcaldesa solicitou ao conselleiro de Sanidade,  no nome da hostalería porriñesa, unha ampliación do prazo para o “Plan de Hostalería Segura”

 

A alcaldesa do Porriño, Eva García, dirixiu onte á mañá unha carta ao conselleiro de Sanidade, Julio García Comesaña, instándolle a considerar que a Xunta de Galicia amplíe o prazo para formalizar os trámites necesarios para o “Plan de Hostalería Segura”.

A hostalería porriñesa, representada polo presidente da Asociación de Hostaleiros do Porriño, José Manuel Fernández, trasladou onte nunha reunión coa concelleira de Seguridade, Lourdes Moure, e axentes da policía local, “a nosa preocupación polo colapso da páxina web de Turespazo para obter os códigos QR, cuxo prazo rematou esta media noite “.

En consecuencia, a alcaldesa decidiu instar por carta ao titular da Consellería de Sanidade que “permita a ampliación do devandito prazo para dar tempo para formalizar todas as solicitudes dos hostaleiros do Porriño, á vista da inquedanza xerada entre os autónomos pola posibilidade de non poder cumprir coa normativa por motivos alleos ao seu control “, segundo indicaba a carta de García de la Torre.