Esta semana a Agrupación de Electores do Porriño (AEP) imos estar o mércores no centro ás 20:00 h na Escola de Música e o xoves a misma hora na AAVV San Salvador de Torneiros

A Agrupación de Electores do Porriño (AEP) despois das charlas mantidas nas parroquias de Pontellas e de Atios, engadiu varios novos puntos ó seu programa municipal. Se ben é certo que os dous puntos máis importantes tratados foron os do transporte público e o do saneamento, cremos que estas propostas poden ser trasladadas completamente a tódalas parroquias do Concello.

No caso do transporte, surxíu a idea de crear unha ruta circular que recorrera tódalas parroquias e o centro, incluso que puidera chegar ata o CUVI, para potenciar O Porriño coma lugar de aloxamento para os universitarios.

O problema do saneamento é algo que temos que solucionar xa. No caso de Pontellas fai tempo que comezaron as obras, sen embargo aínda non están finalizadas e parece ser que van facéndose tramos de saneamento aleatoriamente. A nosa proposta é, primeiramente, comprobar o estado actual das obras, facer un proxecto global, se non estivera feito, e finalizar as obras canto antes.

Tamén os veciños de Pontellas aportaron unha proposta que nos pareceu interesante. Comentaron crear unha ruta de sendeirismo polos muíños do río da Miñoteira. Creemos que sería boa idea crear unhas rutas de sendeirismo por tódalas parroquias, que recorreran os muíños e que se xuntaran unhas con outras.