![](https://porrinodigital.es/wp-content/uploads/2023/05/cartel-_terra-e-auga.jpg)
Persoas do ámbito da música, da danza e da poesía danse cita hoxe en Tui
A Plataforma Ribadelouro Verde, a Asociación Patrimonial e Etnográfica Acueduto de Caldelas e a Plataforma en Defensa de Torneiros forman o proxecto conxunto chamado “Terra e Auga”; a través do cal suman esforzos para defender estes dous recursos naturais imprescindibles para a vida.
Este proxecto de colectivos do Baixo Miño e A Louriña, prevén realizar conxuntamente unha serie de actos culturais nos vindeiros meses de maio e xuño, nos que reivindican a través da música e da poesía, a necesidade da protección e conservación destes bens.
A primeira destas xornadas celébrase hoxe, 5 de maio ás 19.00 h na igrexa de Santo Domingo en Tui -un fermoso templo adicado tamén a actos culturais-, na que participarán diversas persoas do ámbito da música, da danza e da poesía.