Trátase dun muro de 10 ml de lonxitude e unha altura de entre 1,5 e 5 m proxectado para asegurar a estabilidade deste camiño da Buraca que estaba a desplomarse

O Concello do Porriño, a través da concellería de Vías e Obras que dirixe Ramón Porto, comezou hoxe as obras de execución dun muro de contención de pedra en Lourido, na parroquia de Cans.

Trátase dun muro de 10 ml de lonxitude e unha altura de entre 1,5 e 5 m proxectado para asegurar a estabilidade deste camiño da Buraca que estaba a desplomarse. 

“A situación na que se atopa este camiño supón un risco para os usuarios e o derrube de terras que se estaba a ver agravado coas inclemencias do tempo requería dunha actuación urxente”, explicou o alcalde, Alejandro Lorenzo.

As obras contan cun orzamento de 9.018,09 euros.