Os días 3 e 4 de Xaneiro de 2023 celebrarase un curso de trompeta e unha conferencia de distonía focal

A Escola da Banda de Música Popular de Tui informa da celebración de dous obradoiros musicais.

Por unha banda, o martes día 3 de xaneiro ás 19.30 h, Moisés Lorenzo Alonso impartirá unha conferencia sobre a distonía focal, así como unha clase practica para os músicos asistentes. Esta actividade estará enfocada a todos os músicos, independentemente do instrumento.

Pola outra banda as clases de trompeta, a cargo de Rodrigo Iglesias Silva, os días 3 e 4 de xaneiro, que rematarán cun concerto de clausura o mércores nas instalacións da Banda de Música Popular de Tui.

A inscrición pódese facer a través dun QR que se pode atopar no cartel do curso, vía redes socias, contactando vía telefónica 886 29 28 51 ou por WhatsApp.

Lembrar que sigue aberto o prazo de matrícula do campamento de Nadal, que tamén organiza dita escola, para os días 26, 27, 28, 29 e 30 de decembro, de 09:00 a 14:00 h.