Preto dun centenar de deportistas serán galardoados mañá venres ás 20.30h no Teatro Municipal de Tui

Tui volverá a contar coa súa anual Gala do Deporte logo do parón pola pandemia, que permitirá homenaxear e recoñecer o labor de clubs, institucións e deportistas destacados da cidade. O evento, que terá lugar mañá venres ás 20.30h no Teatro Municipal de Tui, será se cabe aínda máis especial xa que esta gala será a décima edición.

Neste caso, farase un recoñecemento aos premiados deste ano 2022 e tamén do 2021 e 2020, polo que serán preto dun centenar as persoas as galardoadas.

En total ao longo destas dez edición son recoñecidos 106 deportistas galardoados, 43 honoríficos pola súa contribución ao deporte tudense e 139 os deportistas internacionais que recibiron unha distinción.

Amais da tradicional entrega de premios, a gala contará coa actuación musical da Big Band do Conservatorio Profesional de Música de Tui, proxeccións de diversos vídeos homenaxe e máis sorpresas.