Atendendo a unha das principais demandas dos veciños da parroquia porriñesa, o Goberno Local reforza a presenza policial en puntos conflictivos

A concellería de Segurida de Cidadá do Concello do Porriño, dirixida por Abel Estévez, decidíu intensificar a presenza policial naqueles puntos que poden resultar máis conflitivos ou de maior afluencia, polo que se acordou que unha patrulla da Policía Local do Porriño vixiará os polígonos residenciais de Torneiros.

Atendendo á reclamación dos veciños da parroquia, os axentes patrullarán unha zona que aglutina un elevado número de poboación, varios centros escolares e o Multicentro polo que, en horas de entrada e saída, presenta aglomeracións e require presenza policial.

O alcalde, Alejandro Lorenzo explicou se trata “dunha medida que os veciños de Torneiros levaban anos reclamando, xa que para garantir a seguridade nos núcleos residenciais de Torneiros requírese unha patrulla centrada en cubrir esa zona en exclusiva”.

O concelleiro, Abel Estévez,  amosou especial preocupación polos accesos aos centros educativos, onde “a presenza policial é esencial para garantir a seguridade dos escolares ás horas de entrada e saída”.