Trátase de dúas actuacións que cubren unha superficie de 2.807 m2 en Meder e de 585 m2 en Porto
O Concello de Salvaterra de Miño informa que veñen de iniciar as obras de mellora de firme nos camiños municipais de Cristo–Meder e Barreiros–Porto, que se acometen ao abeiro do Plan de Infraestuturas Rurais da Xunta de Galicia.
Trátase de dúas obras de asfaltado en camiños municipais, por un lado en Cristo (Meder) onde se realizará unha limpeza de marxes con apertura de cunetas ao longo dos 614 m de actuación, para seguidamente extender e compactar unha capa de 5 cm de espesor de mestura bituminosa en quente, nunha superficie de 2.807 m2.
Do mesmo xeito farase a limpeza de marxes e apertura de cunetas nos 195 m do camiño de Barreiros (Porto), para posteriormente votar a capa de mestura bituminosa nos seus 585 m2.
