Antón Gómez Reino, deputado galego no Congreso sinalou que levarán esta iniciariva ao “ao espazo institucional para garantir a seguridade viaria neste punto negro das nosas estradas”.

 

O deputado galego de Galicia en Común e secretario xeral de Podemos Galicia, Antón Gómez Reino, visitou o pasado 7 de Maio, xunto con Román González concelleiro do grupo municipal GañaMós e voceiro provincial de Podemos, o punto negro do tráfico rodado no Alto de Puxeiros, no linde entre os concellos de Mos e Vigo.

Ambos representantes abordaron a necesidade de acometer melloras urxentes neste enlace entre as estradas AP9, A55, e a antiga N120, para garantir a seguridade de todas as conductoras e conductores. Recordaron que esta reforma xa está aprobada nunha comisión de fomento dende finais do ano 2017, e reclamaron apremio na súa execución.

Roman González sinala que “dende o grupo municipal GañaMós, xa se traballou este asunto, e presentaronse varias iniciativas, e conseguimos que está reforma fose aprobada no Congreso, pero o goberno do Partido Popular de M. Rajoi fixo oídos sordos do mandato do congreso, e cremos, que por parte do ministerio de fomento, xa é hora de que se acometan estás melloras de maneira urxente”.