A concelleira amosuse disposta diante do micro d@s alumn@s do CEIP da Ribeira

 

A concelleira de Educación, Lourdes Moure foi entrevistada por nen@s de 4º de Primaria do CEIP da Ribeira, para a nova canle de “Louriña TV escolar”.

Esta iniciativa, promovida polo Concello, a través da OMIX do Porriño, como un proxecto colectivo de innovación educativa na que poidan estar implicados todos os centros educativos do termo municipal.

A concelleira coñeceu así, de primeira mán, os obradoiros que se están a realizar nos diferentes colexios do Porriño para participar nesta canle municipal de televisión “on line” para o alumnado porriñés.

De feito xa está disponible un primeiro vídeo feito por alumnos do CEIP de Mosende, coa colaboración de alumnos do CPR Hnos Quiroga que puxeron as súas voces. 

Aproveitando a visita ao CEIP da Ribeira, a concelleira Moure Varela tamén asistiu a unha das sesións de “Ecopercussión”. Consiste en obradoiros para a formación e execución de grupos de percusión formados polos nen@s, mediante instrumentos con materiais reciclados como botes de pintura, bidóns ou latas.

Nesta actividade, tamén promovida polo Concello a través da OMIX do Porriño, participan 267 alumnos dos centros de educación primaria, ata o vindeiro 21 de abril.