Suspende temporalmente o mercado ambulante, pecha parques infantís, recintos deportivos e centros culturais e anuncia unha nova liña de axudas á hostalaría, comercio e autónomos

 

 

O Concello do Porriño suspenderá temporalmente o mercado ambulante durante as tres vindeiras semanas, segundo acordou hoxe a Comisión Municipal de Seguimento da Covid. Tamén durante ese período de tempo pecharanse os parques infantís e os recintos culturais, sociais e deportivos, conforme ás restricións que acordou a Xunta de Galicia e vixentes ata o 17 de febreiro.

A alcaldesa, Eva García explicou que estas medidas locais de acompañamento ás restriccións autonómicas “adóptanse para garantir a seguridade de todos, limitando ao máximo a interacción e o contacto social”.

Por outra banda, a proposta do goberno municipal e co acordo dos participantes na Comisión Municipal de Seguimento, determinouse a celebración dun pleno municipal extraordinario para aprobar unha modificación orzamentaria na que habilitar un fondo de axudas económicas directas, semellante ao que funcionou en 2020 e que repartiu achegas por un importe total superior aos 80.000 €.

“A idea é axudar de xeito especial á hostalaría, como sector máis damnificado polasrestricións, pero taménao comercio e aos autónomos”, engadiu a alcaldesa.

Eva García manifestou tamén, que agarda “chegar a un consenso con todos os grupos políticos da corporación na contía das axudas, para que esta proposta saia coma unha iniciativa común de toda a corporación”.