Trátase de obras de reparación da estrada polos danos ocasionados en novembro do 2019 polo temporal Cecilia

 

O Consorcio de Augas do Louro, informa de que mañá inícianse as obras de reparación da estrada no Camiño da Veiga, preto da Ponte do Louro.

As obras consistirán na reconstrución da pendente, beirarrúa e calzada caídas a consecuencia das intensas choivas e o desbordamento do río Louro, producidas durante o temporal Cecilia en novembro de 2019.

O importe dos traballos de reparación ascenderá a 39.083,93 €.