Será este sábado 24 de outubro ás 19.30 h na Asociación Veciñal de San Miguel de Oia

 

A Orquestra Infantil e Xuvenil de Vigo “Kv2211”, actúa este sábado 24 de outubro ás 19.30 h na Asociación Veciñal de San Miguel de Oia, dentro do ciclo “Música clásica nas parroquias”.

A actuación correrá a cargo da sección Infantil da “Kv2211”, dirixida por Raquel Fernández  composta por xóvenes instrumentistas de corda -de entre 8 e 14 anos de idade- que contan cun repertorio ameno e adaptado ao seu nivel formativo.

O ciclo “Música clásica nas parroquias” pretende contribuir á oferta cultural e musical de Vigo, abrindo a música clásica a todos os segmentos de idade sobre todo aos máis pequenos e as familias cunha oferta musical máis acorde a súa idade; e ao mesmo tempo, manter a formación dos músicos da orquestra. As pezas elexidas son curtas e están adaptadas a un público infantil.

O concerto é gratuito, con límite de aforo e cumprimento das normas Covid-19.