Un ano máis o Concello busca premiar a excelencia académica dos seus estudantes

 

Un ano máis, o Concello de Salvaterra de Miño ven de aprobar as bases da convocatoria dos “Premios de Educación” que buscan premiar a excelencia académica dos seus estudantes, un premio no que este Concello foi pioneiro e do que realmente se sinte orgulloso polo gran incentivo que supón para os rapaces e rapazas do municipio.

Estes premios naceron co ánimo de incentivar o estudo e reforzar actitudes e hábitos relacionados co traballo, esforzo, participación e convivencia entre os mozos. Un proxecto máis froito da interacción e colaboración entre os Centros Educativos do Municipio e o Concello, na busca de incentivar, animar e premiar o esforzo dos estudantes, hábitos que marcarán o seu futuro e que os poñerán en valor como persoas e profesionais.

Este ano foi necesario adaptar ditos galardóns a realidade e as restricións da situación que estamos a vivir en relación ao COVID-19.

Os premios consisten na entrega de 14 equipos informáticos compostos por unha tablet con funda, un powebans e unha memoria que serán distribuídos entre os mellores expedientes do alumnado do 2º Ciclo Formativo de Grao Medio de Caldeirería e Soldadura, os alumnos de 2º de FP básica (carpintería), de 4º da ESO, do CEIP Infante Felipe, CEIP de Leirado e CEP Carlos Casares.

Por outro lado, este ano debido as restricións de mobilidade impostas polo COVID-19 as tres viaxes a Inglaterra para perfeccionar o inglés modifican o seu contido pasando a consistir ditos premios nun ordenador portatil, unha tablet e unha impresora, co fin de que estes estudantes empecen a súa nova etapa educativa coa mellor dotación informática posible. Este premio tamén inclúe un curso de inglés de conversación, na modalidade online.