Os protocolos establecidos dende o Ministerio de Sanidade fan practicamente imposible a apertura das instalacións con tódalas garantías sanitarias precisas

 

 

Os Concellos de Salceda de Caselas, Arbo, Crecente, As Neves, Tui, Salvaterra de Miño, O Porriño, Covelo, Cañiza e Mondariz veñen de emitir un comunicado conxuto anunciando a non apertura das instalacións das piscinas municipais este verán como medida ante a pandemia da COVID 19. A decisión tómase tras unha exhaustiva análise da situación, unha vez se recibiron os protocolos elaborados dende o Ministerio de Sanidade, que establecen unhas condicións ás que dificilmente  poden acceder os diferentes Concellos pola multitude de normas que recollen: as contínuas labores de limpeza e desinfeción, a distancia de seguridade de dous metros establecida entre as persoas usuarias das piscinas, as limitacións do tempo de permanencia nas instalacións ou a limitación do aforo a un tercio como máximo fai que o acceso ás piscinas se convirta case nun privilexio ao que pouca xente podería acceder.

 

A decisión, tomada de xeito conxunto polos diferentes Concellos, primou ante todo a seguridade da veciñanza que acuda ás piscinas municipais. Tamén se tivo en conta o obxectivo fundamental destas instalacións de lecer: que as persoas vaian disfrutar dun momento de tranquilidade, o cal tamén se vería interrumpido polas contínuas labores de desinfección e limpeza que se terían que levar a cabo obrigatoriamente, así como polas restriccións de uso de instalacións precisas como aseos, duchas e vestiarios.

 

Por outra banda, para o funcionamento das piscinas deben realizarse aportes contínuos de auga, controlar a cloración nos máximos, utilizar desinfectantes constantemente e outras cuestións que perxudican notablemente o medioambiente, preocupación que tamén amosaron os diferetes Concellos.

 

Para estes Concellos é fundamental garantir a seguridade das súas veciñanzas, polo que de abrirse as instalacións aplicaríanse con rigor as medidas establecidas, o que imposibilitaría o desfrute por maior número de veciñ@s, que non poderían usar as mesmas ou, de facelo, terían que observar as normas restrictivas de uso, por mor da Covid 19.

 

O peche será aproveitado polos Concellos para acometer as melloras precisas para que as piscinas municipais poidan volver abrir cando a situación así o permita, e poidan facelo con tódalas garantías sanitarias precisas.