Dende o Concello apelan á responsabilidade da veciñanza para manter o entorno limpo e nas mellores condicións medio ambientais sen necesidade de recurrir a sancións

 

 

O Concello de Salceda de Caselas lémbralle á veciñanza que conta cun servizo semanal de recollida enseres voluminosos para uso particular, polo que aqueles veciño@s que precisen desfacerse de algún moble, electrodoméstico ou similar, poden poñerse en contacto co Concello para solicitar a recollida do mesmo.

Lembran tamén dende o Concello que é obrigatorio avisar antes de depositar os obxectos na rúa, e que estes deixaranse únicamente nos puntos comunicados e autorizados polo Concello. Nos últimos tempos estanse a multiplicar os casos de abandono de enseres nas vías públicas sen notificación previa, producindo unha imaxe pouco apropiada das rúas da vila, en moitas ocasións en pleno casco urbano e nas fins de semana ou nos días de festa.

O servizo de recollida de enseres é un servizo público e gratuito ao que pode acceder calqueraveciñoouveciña de Salceda, polo que o Equipo de Goberno insta áveciñanza a facer un uso apropiado do mesmo, e a non depositar obxectosna rúa sen aviso previo, obxectos que en moitas ocasión pasan días nas vías públicas ata que alguén da aviso do mesmo para que o servizo de vías e obras do Concello proceda á súa retirada.

Así mesmo, denuncian dende o Equipo de Goberno a situación que se está a dar co servizo de reciclaxe de cartón, xa que en moitas ocasións as caixas de cartón son depositadas enteiras ao lado dos contedores, en vez de desmontadas dentro dos mesmos, dando tamén unha imaxe de suciedade pouco acaída para a vila.

O Concello de Salceda de Caselas conta cunha ordenanza de ornato público que establece diferentes sancións para quen a incumpla. Dende o equipo de goberno apelan á responsabilidade da veciñanza para manter o entorno limpo e nas mellores condicións medio ambientais sen necesidade de recurrir a este tipo de sancións.