O prazo de inscrición atópase aberto ata o vindeiro mércores 26 de decembro

 

O Club Xadrez Mos organiza o seub Torneo de Nadal que se celebrará os próximos días 29 e 30 de decembro no Centro Dotacional de Torroso.

A inscrición está aberta a tod@ xogador con licenza federativa en vigor na tempada 2018. O prazo de inscrición rematará o mércores 26 de decembro, cun total máximo de participantes de 100 xogadores.

Dende a directiva do Club Xadrez Mos informan de que “o obxectivo deste torneo, xa coa vista posta na tempada 2019, é culminar un mes de sesións de adestramento e duro traballo no club, cunha proba de bo nivel para que @s xogadores do noso club cheguen no estado de forma máis alto posible ao mes de xaneiro; xa que neste mes dan comezo competicións importantes coma os Campionatos Provinciais ou a liga Galega por Equipos”.