O grupo de traballos tamén amplía a iluminación no acceso ao barrio do Monte

 

O Concello das Neves prosigue actuacións de mellora no alumeado público e edificios públicos para conseguir mellorar enerxética e económicamente e máis tamén para anovar o servizo que se presta.

Primeiro foi a renovación de tódolos cadros do alumeado público, logo o cambio a iluminación led nunha zona de moito consumo, despois a renovación da iluminación do pavillón e agora o cambio incluídos os báculos en toda a rúa Eira da Liñaza xunto cunhas novas no barrio do Monte.

O Alcalde das Neves, Xose Manuel Rodríguez Méndez, indica que queda moito por facer neste ámbito. Por iso, o Concello xa ten solicitadas varias subvencións ao IDAE (Instituto para la Diversificación y ahorro de la Energía) que de ser condedidas permitirían renovar o alumeado de case todo o territorio municipal cunha inversión de arredor de 500.000 euros dos que o concello aportaría un 10 por cento.