As entradas teñen un prezo de 10 € e o espectáculo terá lugar o vindeiro domingo 14 de outubro

 

Atópanse á venda as entradas para o espectáculo musical “Luna” co que arranca a programación de “Ocio en Familia” do curso 2018-2019 no Concello de Mos, que organiza a concellería de Participación Cidadá. As localidades, cunprezo de 10 €, pódense adquirir no propio auditorio do CentroDotacional de Torroso, -que será onde se fará a representación o vindeiro 14 de outubro as 18.00 h-, no Kiosko Sendín en Vigo, ou na web www.woutick.es.

O concerto “LunaOnBeat, Sobre Ruedas”, é un musical para os nenos e nenas baseado na famosa serie de Disney Channel. A través de 17 temas, cóntase o complicado que é ser adolescente. O show musical inclúe cancións pegadizas, unha máxica posta en escena e grandiosos números de baile. Os temas tratados por estas tocan moitas das complicacións que viven os adolescentes no seu día a día, como o bulling, o primeiro amor ou as relacións cos pais. Este musical ven da man da compañía “MoitaMerda Promocións”.