Rebordáns, Pazos de Reis, Baldráns, Caldelas, Malvas e Paramos xa contan con renovadas paradas para o transporte escolar e antes de que comece o 2023, as demáis parroquias tudenses tamén contarán coas novas marquesiñas

O Concello de Tui vén de renovar as marquesiñas utilizadas polo alumnado que emprega o servizo de transporte escolar, para agardar aos autobuses que diariamente os levan aos seus centros educativos nas parroquias de Rebordáns, Pazos de Reis, Baldráns, Caldelas, Malvas e Paramos.

Ante o mal estado de conservación que presentaban estes elementos, o Concello decidiu levar a cabo renovación destas marquesiñas con fondos propios, sendo realizadas e instaladas polos operarios municipais.

O obxectivo do goberno municipal é continuar a renovación das marquesiñas nas restantes parroquias, co obxectivo de completar a substitución destes elementos antes do inicio do novo ano.