Os pregoeiros foron Antonio Barros e Ialma, os gañadores do concurso que lle pon  letra ao himno

Os gañadores do concurso de rosas foron os nenos da parroquia de Mos, Marcos Pazos e Emma Verguela

O Día da Rosa con máis forza que nunca, incluso con maior participación de ramos que en edicións anteriores á pandemia. Fíxoo ademáis co solemne acto de presentación da letra do Himno Municipal, Alborada Camiño da Rosa, composta por Xulio Lorenzo. A devandita letra é autoría de Antonio Barros e Ialma, gañadores do concurso de composición da letra.

Tamén tiveron o seu lugar e recoñecemento polo gran traballo realizado os outros 5 concursantes: Roi García Lorenzo, Rubén Campo Gil, Gonzalo Otero Lago, José Rodríguez Conde e Albino Rodríguez Cambeiro.

A xornada comezou ás 11.00 h da mañá coa Misa Solemne cantada pola Coral Ventos do Val e con saída da cerimonia amenizada musicalmente polo grupo de gaitas Ruada de Torroso.

A continuación, deu paso ao pregón a cargo dos gañadores do concurso da letra do himno, o SecreterioXeral de Política Lingüística, Valentín García Gómez. Taménestiverpon presentes outras autoridades autonómicas como a Delegada Territorial da Xunta en Vigo, Marta Fernández-Tapias e o Conselleiro de Cultura, Educación, Formación Profesional e Universidades, Román Rodríguez, que pechou o acto.

Tras o pregón chegou a entrega de premios dos dous clásicos concursos do Día da Rosa: de rosas e de empanadas de pan de millo.

Os premios do concurso de rosas por parroquias foron:

Mellores rosas de Sanguiñeda: Nº 4 Mercedes Cabaleiro.

Mellores rosas de Tameiga: Nº 1 Genaro Rodríguez.

Mellores rosas de Dornelas: Nº 12 Dorita Leirós.

Mellores rosas de Torroso: Nº 16 María Romero.

Mellores rosas de Mos: Nº 5 Marcos Pazos e Emma Verguela.

Mellores rosas de Petelos: Nº 23 Rosana Campos.

Mellores rosas de Guizán: Nº 6 Sita.

Mellores rosas de Cela: Nº 4 Evaristo Ucha.

Mellores rosas de Pereiras: Nº 6 Abel Alonso.

Mellores rosas de Louredo: Nº 8 Delfina Rodríguez.

Mellores rosas de todo o Concello de Mos:  @s nen@s da parroquia de Mos Marcos Pazos e Emma Verguela.

A parroquia con maior participación foi a de Sanguiñeda, con 33 ramos participantes.

Os premios do concurso de empanada de pan de millo foron:

Mellor presentación: Nº 8 Rosa Durán.

Maior tamaño: Nº 13 Aitana Das Dores.

Mellor sabor: Nº 16 María del Carmen Domínguez.

Tocando ao remate da mañá, a Banda de Música Xuvenil de Torroso deu o seu tradicional concerto do Día da Rosa.

A guinda gastronómica da mañá púxoa a exaltación e degustación de empanada de pan de millo a cargo da Asociación de Mulleres Rurais Val da Louriña, a Asociación BaRes Mos e os panadeiros de Mos.

O acto rematou con todo o público presente cantando o himno, previo reparto dun folleto coa letra, xunto cos autores da letra, Antonio Barros e Ialma, e tocando o compositor do himno municipal Alborada Camiño da Rosa, Xulio Lorenzo, a Banda de Música Xuvenil de Torroso e a Banda de Gaitas Ruada de Torroso.