Nun cartel formado por artistas de gran proxección nacional e internacional como Zahara, Marlango, Javiera Mena, Lina_Raül Refree, o Festival Noroeste Estrella Galicia aposta tamén por bandas denominación de orixe galega para facer vibrar á Coruña. O 34 Noroeste Estrella Galicia celebrarase do 6 ao 8 de agosto en catro escenarios. Propón unha ampla oferta musical cun total de 25 concertos para todos os públicos. A partir de hoxe, poden reservarse as entradas en https://festivalnoroesteestrellagalicia.com/es/

O Festival Noroeste Estrella Galicia regresa o próximo 6 de agosto para encher de música diferentes emprazamentos de A Coruña. A cita conta cun cartel excepcional que completan un total de 25 artistas, dos que se poderá gozar en catro escenarios emprazados en Parque Europa, Campo da Leña, Praza de María Pita -escenario Nonito Pereira- e no parque de Santa Margarida -escenario Jaime Manso-.

O Concello de A Coruña demostra unha vez máis a súa implicación total na oferta cultural da cidade; nesta edición, o Festival Noroeste Estrella Galicia reforza especialmente o apoio aos artistas locais e autonómicos. Unha aposta autóctona de calidade, xa que se trata de formacións moi recoñecidas en diversos xéneros da escena musical actual.

A metade dos músicos que actuarán no festival contan con denominación de orixe galega. Un total de doce formacións; Triángulo de Amor Bizarro, Mad Martin Trio, The Soul Jacket, Bastards on Parade, DL Blando, Sound Sisters, Combo Paradiso, Bush Doctors, Bala, Ataque Escampe, Chasis e Víctor Coyote, que farán vibrar durante toda a fin de semana a público de todas as idades. A oferta é tan diversa que promete agradar a todos os gustos.

Desde o Concello de A Coruña inciden ademais na importancia e a necesidade de apoiar o propio nun momento como este, dando oportunidades a profesionais do sector musical, tan castigado nestes últimos meses pola situación sanitaria vixente.

Para que o Festival Noroeste Estrella Galicia e eventos sucesivos poidan seguir desenvolvéndose, desde o Concello de A Coruña insisten no seu compromiso coa seguridade. O festival contará cun coidado Protocolo Covid que garantirá a distancia entre os asistentes aos diversos recintos, todos eles ao aire libre.

Como parte do protocolo, para poder xestionar os aforos, será necesario efectuar unha reserva de localidade desde a páxina web do festival, https://festivalnoroesteestrellagalicia.com/es/, por parte das persoas asistentes, aínda que esta non terá custo. Gozar da música do Festival Noroeste Estrella Galicia é gratuíto.