Despois dun duro adestramento, un camiño cara a inclusión” novo proxecto por un Xacobeo inclusivo
Este proxecto nace co afán de que as persoas con discapacidade intelectual de Galicia poidan prepararse para realizar o Camiño de Santiago e conseguir así a tan ansiada Compostela, dunha forma normalizada e adaptada as súas capacidades.
A finais de 2019, dende Special Olympics Galicia iniciabamos o proxecto “CARLOTA PREPARA O CAMIÑO CARA O XACOBEO 2021”, en colaboración coa Xunta de Galicia e como parte do programa “O TEU XACOBEO”.
Despois de que varios grupos de persoas con discapacidade intelectual adestraran durante 2019-2020 a través de diferentes rutas do Camiño, en Special Olympics Galicia puidemos detectar unha serie de apoios necesarios para o noso colectivo, e comezamos a traballar habilitando as actividades precisas para que as persoas con discapacidade intelectual podan acceder ás diferentes rutas xacobeas segundo as súas capacidades.
O noso obxectivo é ofrecer ferramentas para que tódalas persoas con discapacidade intelectual podan gozar das actividades que ofrece o Camiño de Santiago. Para elo, poñeremos en marcha actividades adaptadas ao colectivo, dando continuidade aos testeos das rutas e adestramentos dos nosos camiñantes para que estean preparados tanto física como mentalmente para a consecución da Compostela.
Paralelamente,durante este ano iniciaremos novas vías de formación e visibilización do Xacobeo inclusivo entre centros educativos e universidades galegas, co fin de achegar a discapacidade intelectual a novas persoas voluntarias que nos acompañen nesta ambiciosa actividade, inculcando entre a mocidade os valores do Camiño como unha opción de inclusión social e unha contorna accesible para tódalas persoas.
En total, esperamos poder chegar á participación de preto de 170 persoas con discapacidade intelectual que podan formarse con este proyecto, así como 200 personas de diferentes centros educativos, difundindo os valores e riqueza cultural que aporta o Camiño de Santiago, para motivalos a acadar o xubileo compostelán.
Deste xeito, dende Special Olympics Galicia damos continuidade á nosa Misión, que vai máis aló de promover a práctica do deporte e a cultura inclusiva, para levar os valores do noso movemento a tódolos mozos e mozas da nosa comunidade e conseguir que se impliquen en actividades tan motivadoras como esta, onde Xacobeo e inclusión danse a man para camiñar xuntos.
Special Olympics Galicia é unha entidade sen ánimo de lucro, que nace co obxectivo de mellorar a calidade de vida das persoas con discapacidade intelectual e de conseguir a súa inclusión social a través do deporte, o lecer e a cultura.
A filosofía de todas as nosas actividades, radica na premisa de que as persoas con discapacidade intelectual soamente son distintas na expresión das súas necesidades e intereses. As diferenzas non se atopan nas persoas, senón na calidade e dispoñibilidade das oportunidades