Existen unha serie de lecturas infantís seleccionadas da colección dixital da Biblioteca accesibles a través da plataforma de ebooks ‘GaliciaLe’

 

 

O Concello do Porriño súmase, este xoves 11 de febreiro, á celebración do Día Mundial da Muller e da Nena na Ciencia, baixo o lema “No more Matildas”.

A ONU declarou esta data coa finalidade de lograr o acceso e a participación plena e equitativa na ciencia para as mulleres e as nenas, e ademais, acadar a igualdade de xénero e o empoderamento feminino.

A Biblioteca Municipal do Porriño e a Concellería de Igualdade súmanse a esta celebración co obxectivo de difundir a labor científica das mulleres e fomentar a vocación nas nenas e adolescentes da nosa comunidade.

Para iso, a Biblioteca e a Concellería ofrecen información sobre as iniciativas existentes neste ámbito, e unha serie de lecturas infantís seleccionadas da colección dixital da Biblioteca, todas elas accesibles a través da plataforma de ebooks, GaliciaLe. Ademais na páxina web de Cultura hai un enlace directo coa páxina web da Biblioteca para ler en streaming ou descargar, debido as actuáis restricións coa Covid.