Nace AEDIGAL, a patronal galega da discapacidade intelectual

Despois da Asemblea previa celebrada o pasado mes de setembro, onde as asociacións acordaron a creación desta patronal, hoxe oficializouse a súa constitución, quedando integrada por un total de 24 entidades galegas máis a propia Federación.  

A Federación galega de persoas con discapacidade intelectual ou do desenvolvemento (FADEMGA Plena inclusión Galicia) fai realidade dende hoxe un proxecto longamente perseguido polo Movemento Asociativo: a creación da patronal galega da discapacidade intelectual que nace co fin de reivindicar, defender, representar e xestionar os intereses económicos e sociolaborais da entidades sen ánimo de lucro que a integran no ámbito autonómico de Galicia.

 

Nº	ENTIDADES FUNDADORAS	PROVINCIA
1	ASPANAS	Ourense
2	ASPADISI
3	ASFAVAL
4	ADO
5	ASPNAIS
6	PRODEME	Lugo
7	PRODUCTORES DE CARNE DA RIBEIRA SACRA S.L.
8	CAMIÑA, ASOC. COMARCAL DA MARIÑA DE LUGO
9	FUNDACION EU SON
10	CENTRO SAN VICENTE DE PAUL
11	RAIOLAS LUGO
12	AFADI
13	ASPANANE
14	SPECIAL  OLYMPICS GALICIA	A Coruña
15	APADER
16	ASPAS
17	ASPAS EMPREGO
18	Nª SRA. DE CHAMORRO
19	ASPRONAGA
20	SERVICIOS LAMASTELLE S.L.
21	JUAN XXIII	Pontevedra
22	ASPAVI
23	ASPANAEX
24	ASOCIACIÓN GALEGA SAN FRANCISCO
25	FADEMGA PLENA INCLUSIÓN GALICIA	Federación

Nesta reunión constitutiva tamén quedou definida a comisión xestora formada por Eladio Fernández, (presidente), Marcelo de la Cruz, (secretario), Ramiro Fernández Rey (tesoureiro), e José Manuel Carballo Cabezas, Juan Fontela e Javier García como vogais.

En palabras do representante da nova patronal, Eladio Fernández “esta asociación é esencial para que podamos manter o nivel de representatividade que temos. Trataríase dunha asociación patronal que engloba xa dende a súa creación a preto de 1.100 traballadores, co firme compromiso de ampliar esta base a curto prazo”.

O presidente tamén quixo recalcar que “as familias, somos os representantes legais das entidades e non se nos pode excluir. Por eso vemos a necesidade de crear esta patronal, promovida polas nosas asociacións. Estamos a falar de entidades que non teñen ánimo de lucro e que na súa maioría contan coa declaración de utilidade pública”

Entre os fins desta nova asociación, estará o de apoiar ás entidades membro nos procesos de cambio necesario para o cumprimento da Convención de Nacións Unidas dos Dereitos das Persoas con Discapacidade, cambiar o sistema de negociación colectiva, representar ás empresas que a integran ante a Administración Pública, contribuír a un marco de relacións laboráis equilibrado e xusto entre empresas e traballadores ou apoiar ás entidades no proceso de creación, mantemento e mellora do emprego así como todo tipo de procesos que permitan a mellora contínua.

FADEMGA Plena inclusión Galicia, Federación de asociacións a favor das persoas con discapacidade intelectual, conta na actualidade con 7.982 socios e 116 centros ubicados polas catro provincias galegas nos que traballan un total de 1.389 profesionais co apoio de 1.231 voluntarios.